Apple şirkətinin iPhone 5 smartfon modeli 2012-ci ilin dördüncü rübünün yekunları üzrə dünyada ən çox satılan smartfonu olub. Böyük sensor ekran, geniş yayılma coğrafiyası və yüksək operator subsidiyaları qurğuya əsas rəqibi Samsung Galaxy S III modelini üstələməyə imkan verib, ekspertlər qeyd edirlər. Onların hesablamalarına əsasən, dördüncü rübdə dünya üzrə iPhone 5-in satış həcmi 27,4 milyon ədəd təşkil edərək smartfona bazar payını 13 faizədək artırmağa imkan verib. Əvvəlki nəsil iPhone 4S modelinin tədarük həcmi 17,4 milyon qurğu olub, bazar payı isə 8 faizə çatıb. Öz növbəsində ekspertlər dünyada satılan Samsung Galaxy S III modelinin sayını 15,4 milyon ədəd, bazar payını 7 faiz qiymətləndiriblər. Qeyd edək ki, iPhone 5 və iPhone 4S modellərinin satış həcmi 2012-ci ilin dördüncü rübündə satılan bütün smartonların 25 faizini təşkil edib.